Visages
de

Barsac.

Tome  II.

Page 148.

 

 Lous Quartiés de Barsac.

Dit  par Mme J. BARBE.

   

Nat cugn dèn noste permenade
De les hemmes n'és tant aymat ;
Par ana rinça la bugade
Han lou Ciroun tout aou constat ;
Y a ün leytey, et ço qu'espate,
Dus épiciès, ün pintre (ün as)
Et la femmesage à dus pas.
Soun bien munits à Plaguemate !

 

II

Pas lougn dou bourg, près de la gare,
Aqui que n'y a animatioun
Les meynades n'hen tintamarre,
A l'escole, en récréatioun !
Escoutats la cansoun joyùse ;
Lous tonnellès rougneun ; lou haou
Truque sus caouque sulfatuse :
Quaou gai quartié, lou Castelnaou !

 

III

Un loc qu'a possédat dus maires
Et dus adjoints,  me beléou très,
Et négocians, propriétaires !
Un aboucat, adare y es !
Jamey de bruyt, ni de dispute
Dens aquet quartié de boun toun ;
Bien sagemén cadun discute !
Ço qu'y a de bèt mounde, à Simoun !

 

IV

Aci, soun pas counténs, ma chère,
D'aougê lou dessus dou paney,
Coume habitans, boleun encouère,
Per éts tout souls, ün boulandyey !
Après lès brègnes, quaou prouésse :
Hireun ün petit Sen-Bincéns !
Lous dansurs éreun bien cinq cens !
Soun délurats à La Pinesse !

 

V

Moun Diou! qu'aquet cugn a de charme
Oun lou poëte ben réba !
Près de l'aygue et lougn dou bacarme
Debat ün brioule ou ün aouba !
De l'aoute constat de la pounte,
Su la plage, acos ün recort :
Que de géns, la mareye mounte :
Se préneun per Biarritz aou Port !

 

VI

Podeuts courre, dén la Girounde,
En France, en Europe, on Japoun,
Pey gueyta, à traoués lou mounde,
A pé, en carriot, en avioun,
Une caouse extraordinaire,
Que ne se trobe qu'à Barsac.
Qué doun ? Un quartiè qu'ha ün maire.
Per ét tout soul : Acos Baoulac !

 

VII

Dén lous quartiès de la commune,
A Barsac n'y a per tout lous goûts,
Un soul a la bonne fourtune
De poudé lous esclipsa, touts.
Aquet aqui és magnifique,
Chan ribal,  n'en disy pas mey,
Soun lous champiouns aou Carretey
Perqué ? Hait lou Chef de musique !



 

 

Réalisée le13 avril  2004  André Cochet
Mise ur le Web le   avril  2004

Christian Flages